CANTI DI TERRA, PAROLE DI STALLA

CANTI DI TERRA      PAROLE DI STALLA

 

ATTO UNICO 

 

Entrano i contadini, le contadine e i camarant a gruppetti, parlottando tra loro. Hanno in mano cose varie: matasse di lana, pannocchie, fiasco di vino e bicchieri, carte da gioco, paglie per la treccia, una lumiera a petrolio che verrà appoggiata a terra nel proscenio.  Luci basse.

Siedono su balle di paglia e cassette da uva. Ognuno è intento al proprio lavoro. Guido e Franco giocano a carte.

In scena: Guido, Franco, Iolanda, Maria, Walter,  Angela, Gloria, Franca, Marinella, Anna

 

SCENA I

 

Franco            gh’et po’ andee dal padroun ?

Guido:            Ass capess !

Franco           E cum’ela andeda ?

Guido             A g’ho descors in dialet, mo va là c’la capi. Adesa a t’ count cuma l’è andeda

OH, BONGIORNO SGNOR PADROUN   

(testo cantato del contrasto “Padrone e contadino”. Vedi  alla fine)

 

Alla fine, a soggetto

“Bravo !    Acsè va det !     Tin strec e porta a cà ! Sa g’am vèta a scamper et vedree cuma la cambia!”

SCENA II

Gloria      fa saltellare il bambolotto sulle ginocchia. I presenti partecipano alla cantilena.

TUTUSELA CAVALOUN

 

SCENA III    (detti  più Federico)

Federico   ( arrivando di corsa)    Mama, mama, curì, a gh’è ste un incideint

Angela            Oh, Gesò ! S’eni fat mel ?

Federico     Moh !  I en  tot e dù zache in fanda al foss.  Le la per morta, lò al mov sol al cul !

Angela       ( gli dà uno scappellotto)

 

SCENA IV

Federico    (piagnucolando)      Ziina, ziina, ass countet la filastroca dla vecia e la luna ?

Altri:              “mo sé, dai Iolanda, counta, counta”

Iolanda:   (Si schernisce) Mo dai, l’è semper quèla…

Recita  LA VECIA E LA LUNA    (vedi testo alla fine)

Altri       (commentano)   :   “ Lè propia vera…a sam ancara  indree come la vaca ed mele …”

 

SCENA V

Gloria   (cullando il bambolotto  CANTA la ninna nanna )

TUCAREIN PI-PI, NADAREIN QUA QUA  L’USLEIN PI PI   FA LA NANA UN CUACIN

 

SCENA VI

Federico                     Mama, a i-ò fam  !

Angela                        Tira la còva al can !

Federico                     E sal s’arvolta ?

Angela                        Tirgla n’etra volta   ( gli dà uno scappellotto)

Federico                     (piagnucolando)   Mama, mama  !

Angela                        Guerda c’am scapa la pazinzia !

Franco                       (con saggezza) La pazinzia l’è come la pèssa: quand la scapa, la scapa

 

SCENA VII

Federico                     Mama…mama….dè a la Giuditta s’la’s les la lettra !

Marinella                    (schernendosi)   Che lettra ?

Federico                     La lettra dal to ambros ! Al sò t’le lugheda  … ( fa per cercarla)

Marinella                   …mo dai !

Angela                        Sé, lesla Giuditta…l’è tante bela!

Marinella                   (riluttante estrae la lettera dal corpetto e legge)

CARA GIUDITTA  ( vedi  testo alla fine)

Franco                       Alora a pèr propia che l’amico al staga bein !!

Marinella                   (mostrando il retro della busta)  I l’an anch promos: i l’an fat “mittente” !

 

SCENA VIII    (detti più William)

William                      (entrando)   Se Dio vol, inco a i òm fat tri fat: giustee el rodi dal car, mazè al porc e supli al non !

Franco                       ( che nel frattempo ha giocato alle carte con Guido) ( Buttando le carte)

A iò pers anch stasira !  L’è propia vera… quand un al l’à da ciaper in cal post, la pataia la se’gh leva sò da per le !

 

(Guido   si alza e comincia a raccontare )

T’E’  MAI CAPITE’   ( Leggi testo alla fine )

 

    SCENA IX

Federico         Mama, dèg a la  ziina Jolanda s’l’am counta un’etra fola fulanta,  le c’lè acsè brèva !

Angela             T’en n’è mai cunteint veh ragazol !  Mo a chi sumigliet ?  ( scappellotto)

Jolanda          Va bein, tasì mò alora c’av count la fola …………………..    A gh’era ‘na volta…….. (racconta con enfasi) : “A gh’era ‘na volta Pedervolta c’al cagheva in una sporta e la sporta l’era ròta e Federico al gh’era sòta”

Federico        Mo noo!  L’am me pies brisa cl’a fola lè

Jolanda           Alora scolta questa: “C’era una volta un re seduto sul sofà che disse alla sua serva: raccontami  una storia. La storia incominciò: c’era una volta un re seduto sul sofà che disse alla sua serva……

Federico         Anch questa t’em l’è cunteda  mell volti…  A j n voj un’etra piò bèla….

Jolanda         Fola fulanta, vot ca tla dega o vot ca tla canta ?

Federico         ( pestando i piedi e piagnucolando)   Mama, la ziina l’am tos in gir

Angela            Vin mo chè, Piroun

 

 

SCENA X    Detti + Sandrino

 

Entra Sandrino.

Franco           Mo vè chi gh’è ,  Martein al campaner. L’era un bel pez  t’en gniv a vegg in dl’a nostra stala!

(rivolto ai vicini- sottovoce)

Vaca sl’è palid, e che bròta cera.   O lè colpa dal  fom del candeli  c’al dev impier tot i dè o al s’è pers  in dl’a canteina dal pret in mez al boti e ai fiasc ed lambrosc. ( Vaca quant musein l’ha purte deinter!)

Rivolto a Sandrino:  Vin por avanti: al vot un gaz ed puntaloun  bel fresch  ?

Sandrino        (accetta con qualche smorfia, fingendo imbarazzo)

LA CIERA

 

SCENA XI  (detti più fisarmonicista)

Federico         Mama, mama ….

Angela            Beda ragazol t’e un bel fastedi      (scappellotto)

Federico         Mo mama, a te vliva dir ca-i-ò vest  river  …………….. cun al so mandset. Adesa  sé ca stam alegher !

Fisarmonicista           (entra)    Mo veh che bel veg ca gh’è stasira e che caldein ! Spol gnir  breva gint ? Disturbia ?

Altri a soggetto:

“mo ag calarev eter”     “A disturba al mel”    “Vò a si ed cà in dla nostra stala”    “ Mitiv bein comed: a s’pega tant a seder come a ster in pee!”

Federico         Mama, mama, deg a …………………………c’al souna quel ed bel !

Angela            Oh, ragazol,  un poc ed creanza: speta almeno c’ass seda      ( scappellotto)

Fisarmonicista (si siede e suona    due o tre brani popolari)…    LA CUMPARSITA , IL BATTAGLIERO….FIORIN FIORELLO

Sandrino scimmiotta fingendo di suonare a sua volta.

Alla fine di ogni brano tutti     ( a soggetto)         “bravo”    “Et sinti che sunadeina ?”

Marinella :                 Am vin quesi  voja ed baler

Franco                       Mo sé, cun i trucloun e in mez a la merda del  besti bueini…E po’ l’è mej t’aspet al tò ambròs, al tò  “mittente”.

 

 

SCENA XII  (detti pù Carlina)

 

Teresa  (Carlina)     avanza zoppicando  vistosamente ( con la gamba corta) verso il proscenio.   Saluti a soggetto . Rivolta a Angela.

Veh ca gh’è l’Angela.  L’è du dè c’av serch. Meno male ch’a v’ho cateda. Le cl’è pratica ed chi lavor chè,  sala ch’am mor toti el galeini ?

Angela            Daboun ? G’aviv menga fat la puntura ?

Teresa             A gl’om fata, mo el moren listess

Angela            El me, finora, s’al degg in ‘na boun’ora…Ghiv mess al solfen in dl’aqua ?

Teresa             An n’egh counta menga gnint…

Angela            El me el i an anch tachè a fer

Teresa            (rivolta a  Franco)  Cusa gh’oia da fer, al dega lò cl’ha studiè fin a la terza ?

Franco           L’unica l’è metterli in dla pgnata !

Teresa            (tira su le spalle. Fa per andarsene, poi ritorna sui suoi passi)

In d’al parler  ed galeini am descurdeva la cosa piò importanta   (confidenzialmente e in disparte) : al saviv che la Francesca, la fiola dal barber la gh’a d’aver un putein ?

Angela            La fiola dal barber ? Cla bigota  ech và sempr’ in cèsa ? An s’ra menga vera ? A vò, chi vl’ha det?

Teresa            A mè am’l’ dett la Rosa, ma la s’arcmanda c’an dega gnit a nissun: lee la l’ha savù dalla Pasqua c’a gh’la dett la Vergenia…

Angela            E la Vergenia da chi l’ala savù ?

Teresa            A n’al so brisa. Mo a m’arcmand ch’in deghen gnint a nisun, perché l’è ‘na cosa segreta.

Angela            Ste  por chieta Teresa ca tasam anca nueter.

Franco (Che ha sentito tutto)            Oramai cla partida chè i la san sol in tri: omm, doni e ragaz…

Teresa fa per andarsene. Franco ha un sospetto e la trattiene.

Franco        Mo vò, vest ca savi  semper tot, an sai menga per chès chi l’è ste a fer al gir in giostra                                              cun la Francesca ?

Teresa              Mè an so gninta     ( mente  vistosamente e  ammicca  senza incertezze verso Sandrino)

Tutti ( in particolare Franco)  guardano insistentemente  Sandrino che fa l’indifferente e il sornione vedendosi scoperto.

Sandrino   ha una reazione che denota la sua colpevolezza e prende tempo  con battute a soggetto per andarsene:

Iv vest che bròta stagioun    ….. A ved ca gh’è ‘na mocia d’agint …a srà meì  ca vaga vers cà

 

Franco    (mentre Sandrino sta per andarsene lo prende per la giacca e comincia a interrogarlo)

Oh, vò zuvnòt, al savì vera che la Francesca l’è anc  me anvoda ?   Gh’iv gninta da dir ? Fev al scantacajoun ?

 

Martein    (comincia a piangere comicamente)

Prosegue il dialogo tra lui e Franco.   Angela (o Teresa) si avvicina interessata.

Martein si rivolge talvolta a lei per trovare comprensione  ( come con Claudio in Tre gati da petner)

Continua il suo monologo a soggetto:

mè a j era come lè… la vdiv cla porta là ? … a m’al giva me zio d’an ander atac a di machinari …. a n’veva ….. che brota stagioun ….. me im polen grater da tot i cantoun….

Franco incalza: Alora, squasacurouni c’an sì eter, la spusev  sé o no ?

Martein  (conclude) :   l’important l’è ca la sposa !

Esce piangendo disperato    : Dio che brot lavor !

 

Frasi a soggetto dei presenti .

Meno male ……Dio al li fa e po’ al li  cumpagna….   Martein l’è dseved come al pan toscan…

Et mò vest Martein c’al pariva un  San Luig …

 

SCENA  XIII

 

Federico         Mama, mama…

Angela            Adesa basta. Adesa andàm a let

Federico         No, mama…prema famia ‘na bela canteda tot insem ?

Angela            Csa vot canter…cun cla vos da galoster ..T’e stunee come  un  campanoun !

Federico         (piagnucolando)  Dai mama, cantamia ?

William          Dai, va bein: a cantam e po’ rauss a lett seinza tanti gnoli. E  là in fanda, sa gh’è un quelchidun c’al gapia voja ed canter nosch, al s’faga por avanti, chè an ‘s pega gninta.

Tutti  si preparano a cantare   ( posizione varia, disinvolta, a gruppetti) .

Il fisarmonicista verrà fatto accomodare davanti e darà inizio ai canti.

LA MARIULEINA

O VILAN PERA SO’ CHI BO

SIUR PARUN DA LI BELI BRAGHI BIANCHI

L’UVA FOGARINA

LA BELA LA VA AL FOSSO

ME COMPARE GIACOMETO

 

 

SCENA XVI

Guido             E adesa tot a cà, perché dmateina a quatr’or a  souna la sveglia

Franco           Me a dev purter al stram in campagna cun al baros

William          E me  dmateina a dev fer sò al porc. Adesa a vag a cà a onzer la caldera per i ciccioli.

Angela            Dai Federico, tiret sò  c’an gh’è piò gninta da fer chè (scappellotto gratuito)

 

FINALINO     ( tutti in riga)

Che a un a un: che deinter ang resta piò nisun

Che a du a du: abasta, a-i-avi bele gudu                    (turnèe a cà vostra come a sìi gnùu)

Che a tri a tri: al noster spetacol l’è finì,

che a quater a quater: tot via da ‘ste teater

che a zinc a zinc: da veder an gh’è più gnint

che a se  a se: chi è a seder al sleva in pee

che a set a set: quand stasira andri a lett                    (ormai l’è ora c’andedi a lèt)

che a ot a ot: arcurdev ed nueter                    (nueter av salutàm e av dam  (tutti) la  bounanot!)

(tutti)     c’av dam la bounanot !

 

FINE