Foto dal Materiale Fotografico del Comune di Soliera

La Ginévra lè stèda ‘na vcina

ch’l’andeva  radécc, a poti e a rizouni,

la gh’aviva do mani acsè zaclouni

ch’la si puliva cun un lét’r ed benzina.

L’andèva in di prè intorn a Suléra

cun borsa e curtlàs guzè dal mulàtta

la tuliva sò tòtt, cla baiadéra

e la carghèva la so biciclàtta.

Po’ la partiva s’cifland la sò piva

e per el cà la vindiva i sgarbloun

seinza Vanoni, né Ige, né Iva.

Anc cun i nov negozi ed primézi

sèinza Ginévra, curtlàs e pasiòun

an s’magnarà piò rizouni e chersòun.